ຂະແໜງລ້ຽງສັດ ແລະ ການປະມົງ

ເຮັດໃຫ້ແຫຼ່ງນ້ຳທຳມະຊາດໄດ້ມີຄວາມອຸດົມສົມບູນເພີ່ມຂຶ້ນ ທັງເປັນການປູກຈິດສຳນຶກໃຫ້ແກ່ສັງຄົມຢ່າງກວ້າງຂວາງ ຈຶ່ງກາຍມາເປັນວັນບຸນປະເພນີປ່ອຍປາຂອງປວງຊົນລາວທັງຊາດ ຕາມແຜນປ່ອຍປາຄືນສູ່ແຫຼ່ງນໍ້າທຳມະຊາດ ພາຍໃນ 09 ເມືອງ ທົ່ວນະຄອນຫຼວງວຽງຈັນ.

ເພື່ອປະຕິບັດກົດໝາຍວ່າດ້ວຍການປະມົງໃຫ້ປະກົດຜົນເປັນຈິງ ແນໃສ່ເຮັດໃຫ້ມີຄວາມຮັບຮູ້, ເຂົ້າໃຈຢ່າງເລິກເຊິ່ງ ແລະ ຮັບປະກັນຄວາມເປັນເອກະພາບໃນການຈັດຕັ້ງປະຕິບັດວຽກງານ ກິດຈະກໍາການປ່ອຍປາ ແລະ ສັດນໍ້າ ໃຫ້ເປັນຂະບວນການໃນຂອບເຂດນະຄອນຫຼວງວຽງຈັນ ໃນຊຸມປີ 2021 ຜ່ານມາ ທົ່ວນະຄອນຫຼວງວຽງຈັນ ໄດ້ປ່ອຍປາໃນວັນອະນຸລັກສັດນ້ຳ-ສັດປ່າ, ໄດ້ທັງໝົດ 8.000.000 ໂຕ.

ໃນປີນີ້ເນື່ອງໃນວັນອະນຸລັກສັດນໍ້າ - ສັດປ່າແຫ່ງຊາດ ແລະ ວັນຄ້າຍວັນເກີດ ທ່ານປະທານ ສຸພານຸວົງ ວັນທີ 13 ກໍລະກົດ 2022, ພະແນກກະສິກຳ ແລະ ປ່າໄມ້ ໄດ້ສົມທົບກັບບັນດາຫ້ອງການກະສິກຳ ແລະ ປ່າໄມ້ເມືອງ, ກົມລ້ຽງສັດ ແລະ ການປະມົງ ແລະ ກົມປ່າໄມ້ ເພື່ອກະກຽມພິທີວັນປ່ອຍປາແຫ່ງຊາດ 13 ກໍລະກົດ ປະຈໍາປີ 2022 ນີ້ ຕາມແຜນການມີລູກປາທີ່ຈະນໍາໄປປ່ອຍ ທັງໝົດ 1.000.000 ໂຕ.

ຜົນໄດ້ຮັບໃນການຈັດຕັ້ງປະຕິບັດພິທີວັນປ່ອຍປາ, ອະນຸລັກສັດນ້ຳ ແລະ ສັດປ່າ ເລີ່ມປ່ອຍປານັບແຕ່ວັນທີ 08-15 ກໍລະກົດ 2022 ໄດ້ສໍາເລັດ ພິທີວັນປ່ອຍປາ ສາມາດສະຫຼຸບຕົວເລກປາ, ສັດນ້ຳ, ທີ່ປ່ອຍຕົວຈິງໂດຍຫຍໍ້ດັ່ງຕໍ່ໄປນີ້: ປາຈຳນວນ 815.000 ໂຕ ໃນມື້ພິທີ, ສ່ວນຊຸມຊົນທົ່ວນະຄອນຫຼວງວຽງຈັນປ່ອຍໄດ້ປະມານ 8.060.000 ໂຕ. ລວມທັງໝົດ ປ່ອຍໄດ້ 8.875.000 ໂຕ.

ພາຍໃຕ້ການເປັນປະທານຂອງ ທ່ານ ດຣ ເພັດ ພົມພິທັກ ລັດຖະມົນຕີກະຊວງກະສິກຳ ແລະ ປ່າໄມ້, ເຊິ່ງໃຫ້ກຽດເຂົ້າຮ່ວມໂດຍການນຳຂັ້ນກະຊວງ, ນະຄອນຫຼວງ, ເມືອງ, ຫົວໜ້າກົມລ້ຽງສັດ ແລະ ການປະມົງ, ຫົວໜ້າພະແນກກະສິກຳ ແລະ ປ່າໄມ້ນະຄອນຫຼວງວຽງຈັນ ແລະ ແຂກທີ່ຖືກເຊີນເຂົ້າຮ່ວມເປັນຈຳນວນຫຼາຍ.

ໃນພິທີ ທ່ານ ແສງອາລຸນ ສຸລິຍະວົງ ຫົວໜ້າພະແນກກະສິກຳ ແລະ ປ່າໄມ້ນະຄອນຫຼວງວຽງຈັນ ໄດ້ຂຶ້ນລາຍງານສະພາບລວມການລ້ຽງສັດໃນນະຄອນຫຼວງ, ການຈັດຕັ້ງປະຕິບັດວຽກງານສັກຢາກັນພະຍາດສັດໄລຍະຜ່ານມາໃນທົ່ວນະຄອນຫຼວງ ແລະ ແຜນການຈັດຕັ້ງປະຕິບັດໃນປີ 2022. ຈາກນັ້ນ, ທ່ານ ນາງ ວິໄລພອນ ວໍລະພີມ ຫົວໜ້າກົມລ້ຽງສັດ ແລະ ການປະມົງ ກໍໄດ້ຂຶ້ນລາຍງານສະພາບການລ້ຽງສັດໃນທົ່ວປະເທດ ແລະ ແຜນພັດທະນາໃນຊຸມປີຕໍ່ໜ້າ ແລະ ໃຫ້ກຽດລັ່ນຄອງ 9 ບາດ ເພື່ອເປີດພິທີຢ່າງເປັນທາງການໂດຍ ທ່ານ ດຣ ເພັດ ພົມພິທັກ ລັດຖະມົນຕີກະຊວງກະສິກຳ ແລະ ປ່າໄມ້.

ພາຍໃນງານປະກອບມີກິດຈະກຳຄື: ການສັກຢາກັນພະຍາດໃຫ້ແກ່ສັດລ້ຽງຂອງປະຊາຊົນ (ຄວາຍ, ງົວ, ແບ້, ໝູ, ສັດປີກ, ໝາ ແລະ ແມວ), ການວາງສະແດງຮູບພາບ ແລະ ເຄື່ອງມື ໃນການສົ່ງເສີມຊາວກະສິກອນຜູ້ລ້ຽງສັດ ແລະ ຢ້ຽມຢາມຟາມລ້ຽງງົວຕົ້ນແບບທີ່ຜະລິດພໍ່ແມ່ພັນງົວພື້ນຖານຕອບສະໜອງນະໂຍບາຍຂອງກະຊວງກະສິກຳ ແລະ ປ່າໄມ້.

ຜົນໄດ້ຮັບໃນການຈັດຕັ້ງປະຕິບັດພິທີສັກຢາກັນພະຍາດສັດ ເລີ່ມຈັດຕັ້ງປະຕິບັດແຕ່ວັນທີ 10-22 ພະຈິກ 2022 ໄດ້ສໍາເລັດການສ້າງຂະບວນການສັກຢາກັນພະຍາດສັດ ແຫ່ງຊາດ 11 ພະຈິກ 2022 ສາມາດສະຫຼຸບຕົວເລກສັດທີ່ໄດ້ຮັບການສັກຢາກັນພະຍາດສັດ (ເຊັ່ນ: ພະຍາດເຕົ້າໂຮມເລືອດ, ອະຫິວາໝູ, ອະຫິວາສັດປີກ, ນິວຄາເຊິນແກ່, ນິວຄາເຊິນອ່ອນ, ໄອທູ ແລະ ວໍ້) ໄດ້ດັ່ງນີ້: ງົວ ຈຳນວນ 2.105 ໂຕ, ຄວາຍ ຈຳນວນ 72 ໂຕ, ແບ້ ຈຳນວນ 76 ໂຕ, ໝູ ຈໍານວນ 815 ໂຕ, ສັດປີກ ຈໍານວນ 12.284 ໂຕ, ໝາ ຈໍານວນ 404 ໂຕ ແລະ ແມວ ຈຳນວນ 09 ໂຕ.

ນອກຈາກນີ້ ຍັງໄດ້ມອບໃຫ້ຫ້ອງການກະສິກຳ ແລະ ປ່າໄມ້ເມືອງ ໂດຍສະເພາະແມ່ນ ວິຊາການສັດຕະວະແພດເມືອງ ສືບຕໍ່ລົງຊຸກຍູ້ສັດຕະວະແພດປະຈຳບ້ານ ເຄື່ອນໄຫວສັກຢາກັນພະຍາດສັດໃຫ້ແກ່ສັດລ້ຽງຂອງປວງຊົນໃຫ້ທົ່ວເຖິງ ແລະ ສູ້ຊົນໃຫ້ບັນລຸຄາດໝາຍການຈັດຕັ້ງປະຕິບັດການສັກຢາກັນພະຍາດສັດ ໃນນະຄອນຫຼວງວຽງຈັນ ໃຫ້ໄດ້ 80% ຂອງຝູງສັດ.

ຂະແໜງລ້ຽງສັດ ແລະ ການປະມົງ ພະແນກກະສິກຳ ແລະ ປ່າໄມ້ນະຄອນຫຼວງວຽງຈັນ ໄດ້ສົມທົບກັບຫ້ອງການກະສິກຳ ແລະ ປ່າໄມ້ 5 ຕົວເມືອງ ກໍຄືໜ່ວຍງານລ້ຽງສັດ ແລະ ການປະມົງເມືອງ ໄດ້ເປີດຂະບວນການຝຶກອົບຮົມ ແລະ ໂຄສະນາ ໃຫ້ຊາວກະສິກອນຜູ້ລ້ຽງງົວ ດ້ານວິທີການຄັດເລືອກງົວແມ່ພັນ, ວິທີການຕິດຕາມງົວແມ່ຂຶ້ນເພດພ້ອມປະສົມພັນທຽມ.

ຈຸດປະສົງແມ່ນສ້າງຄວາມຮູ້ພື້ນຖານການຄັດເລືອກງົວແມ່ພັນ ໃນການປະສົມພັນທຽມງົວ ເປົ້າໝາຍເພື່ອເປັນການປັບປຸງງົວພື້ນເມືອງໃຫ້ມີຜົນຜະລິດທີ່ດີຂຶ້ນໃນເວລາອັນສັ້ນ, ເພື່ອປັບປຸງພັນງົວ ແລະ ຂະຫຍາຍພັນງົວທີ່ດີເກັບຮັກສາໄວ້, ນອກຈາກນັ້ນຍັງຫຼຸດຜ່ອນຕົ້ນທຶນການລ້ຽງງົວພໍ່ແມ່ພັນ, ສາມາດຄວບຄຸມການເກີດພະຍາດທາງການສືບພັນ (ພະຍາດແທ້ງຕິດຕໍ່, ພະຍາດທາງກຳມະພັນ ອື່ນໆ).

ຜົນໄດ້ຮັບໃນຄັ້ງນີ້:

• ❶ ດ້ານການໂຄສະນາເຜີຍແຜ່: ໄດ້ໂຄສະນາເຜີຍແຜ່ຂັ້ນຕອນການຄັດເລືອກງົວແມ່ພັນ, ວິທີການຕິດຕາມ, ອາການງົວແມ່ຂຶ້ນເພດພ້ອມປະສົມພັນທຽມ ໃຫ້ຊາວກະສິກອນທີ່ລ້ຽງງົວ ໄດ້ 1.000 ຄອບຄົວ ດ້ວຍວິທີການແຈກຢາຍແຜ່ນພັບ ແລະ ໂຄສະນາຜ່ານຫໍກະຈາຍສຽງຂອງຫ້ອງການບ້ານ. ເຫັນວ່າ ຊາວກະສິກອນໄດ້ມີຄວາມສົນໃຈ ແລະ ຮັບຮູ້ການຄັດເລືອກງົວແມ່ພັນ ແລະ ວິທີການຕິດຕາມງົວຂຶ້ນເພດເປັນຢ່າງດີ.
• ❷ ດ້ານການຝຶກອົບຮົມ: ຝຶກອົບຮົມຂັ້ນຕອນການຄັດເລືອກງົວແມ່ພັນ, ວິທີການຕິດຕາມ ແລະ ອາການງົວແມ່ຂຶ້ນເພດໃຫ້ຊາວກະສິກອນລ້ຽງງົວ ຈຳນວນ 184 ຄອບຄົວ ປະກອບມີ: ເມືອງນາຊາຍທອງ, ເມືອງຫາດຊາຍຟອງ, ເມືອງປາກງື່ມ, ເມືອງໄຊທານີ ແລະ ເມືອງສັງທອງ. ສາມາດເຮັດໃຫ້ຊາວກະສິກອນມີຄວາມຮູ້ພື້ນຖານໃນການຄັດເລືອກງົວແມ່ພັນ, ຮູ້ວິທີການຕິດຕາມ ແລະ ອາການງົວແມ່ຂຶ້ນເພດແຕ່ລະໄລຍະ ເພື່ອກະກຽມປະສົມພັນທຽມງົວ.